ERGENEKON OPERASYONUNA AZERİ TEPKİSİ!..

 HABERVİTRİNİ/ÖZEL

Azerbaycan’da ise 49 sivil toplum kuruluşu, Bağımsız Türk Ortodoks Patrikhanesi’ne yapılan baskı, arama ve diğer suçlamalara ilişkin ortak basın toplantısı yaptı. Azerbaycan’da “Veli Küçük Paşa, Kemal Kerinçsiz ve Sevgi Erenol suçsuzdur!” başlığı ile hazırlanan bildiri yapılan basın toplantısı sonrası Türkiye Cumhuriyeti Devletinin ilgililerine yollandı. Bildiri de, Sevgi Erenerol, Kemal Kerinçsiz ve Veli Küçük’ün gözaltına alınarak tutuklanmasında, Fener Rum Kilisesi ile Yunan Başbakanın Türkiye’ye yaptığı ziyarete dikkat çekildi.

İşte Habervitrini'ne gönderilen Azerice o açıklamanın tam metni.....

Azərbaycanın tanınmış Qeyri Hökümət Təşkilatları və görkəmli ziyalıları adından Türkiyənin hüquq-mühafizə orqanlarına və ictimaiyyətinə müraciət

Bu gün Azəri Türk Qadınlar Birliyi və Azərbaycan Ağsaqqallar Birliyi birlikdə Türkiyədə milliyyətçi insanların həbsi ilə bağlı mətbuat konfransı keçirdilər. Tədbir təşkilatçılarının ümumi fikri bu oldu ki, hazırda həbsdə olan Vəli Küçük Paşa, Böyük Hüquqşünaslar Birliyinin başkanı Kamal Kerincsiz və Türk Ortodoks Patrikxanasının mətbuat katibi Sevgi Erenerolun tək suçu vətənini, millətini və dövlətini sevən Türk olmalarıdır.
Tədbirin sonunda dəyirmi masa iştirakçıları adından Türkiyənin hüquq-mühafizə orqanlarına və ictimaiyyətinə müraciət ünvanlandı. Müraciəti olduğu kimi təqdim edirik:

Vətənpərvərlər, milliyyətçilər tarix boyu məşəqqətlə üzləşiblər. Vətən xainlərinin mükafatlandırıldığı dönəmlərdə vətənpərvərlərin «mükafatı» ya edam kürsüsü, ya da dəmir barmaqlıqlar olub. İstər Hüseyin Nihal Atsızın, istər Başbuğ Alparslan Türkeşin keçməkeşli həyatı milliyyətçiliyin, vətənsevərliyin mükafatının nə olduğunun bariz nümunəsidir.

Bu gün də canımız qədər sevdiyimiz Türkiyədə gerçək milliyyətçilərə münasibət dəyişməyib. Həyatını Türklük davasına həsr edən, hər zaman Türkün düşmənlərinə qarşı cəsarətli mücadilə verən insanlar bu gün də əsilsiz iddialarla mühakimə olunmaqdadırlar. Azərbaycanın da milli davasını, ermənilərin haqsız hücumlarına məruz qalmasına etiraz edən, dünyada Türk Dünyasının təbliğatçısı olan, Qarabağ gerçəklərini beynəlxalq aləmdə təbliğ edən Vəli Küçük Paşa, Türkiyə Hüquqşünaslar Birliyi başqanı Kamal Kerincsiz, Türk Ortodoks Patrikxanasının mətbuat katibi Sevgi Erenerolun və digərlərinin əsilsiz iddialarla gözaltına alınması vətənpərvərlərə qarşı xain hücumların davam etdiyini göstərir.

Onların Sevgi Erenerolun qadın olmasını belə nəzərə almamaları, haqsız suçlamalarla təzyiqlərə məruz qalması bizi çox təəssüfləndirdi. Canımızdan artıq sevdiyimiz Türkiyənin mövcud hakimiyyətinin Sevgi Erenerol kimi həyatını bu torpaqların qorunmasına həsr edən və bu yolda hətta öz dindaşlarını belə qarşısına almaqdan çəkinməyən xanımı həbs etməsi hər bir Türkiyə sevdalısı tərəfindən narazılıqla qarşılanmışdır. Sevgi Erenerolun və digər vətənsevərlərin əsilsiz və yalan iddialarla həbs olunması Türkiyədə demokratik təsisatların çöküşünün göstəricisidir. Bu Böyük Atatürkün qurduğu Cümhuriyyətə qarşı başladılmış xain hərəkatın göstəricisidir. “Hamimiz erməniyik! Hamımız Hrantıq!” deyənlərə qarşı mülayim münasibət sərgiləyən Türkiyə mediasının “Hamımız Türkük! Hamımız Atatürkçüyük!” deyən vətənpərvərləri məhkəmənin qərarı olmadan terrorçu və cinayətkar elan etməsi Türk Dünyasına qarşı məkrli oyundan xəbər verir. Biz həbs olunanların əsil suçlarının Türkiyəni sevmək olduğunu gözəl bilirik.

Biz istər Vəli Küçük Paşanın, istər Kamal Kerincsizin, istər də Sevgi Erenerolun başlıca “suç”larından birinin Qarabağ məsələsini Türkiyədə gündəmdə saxlamaq, Azərbaycan Türklərinə qarşı erməni daşnakları tərəfindən həyata keçirilən soyqırımları Türk və Dünya mediasının diqqətinə çatdırmaq olduğunu gözəl bilirik. 2007-ci ilin dekabr ayında İstanbulda keçirilən konfransda Türkiyənin 210 qeyri hökümət təşkilatının razılığı ilə Türkiyədə “2008-ci il Qarabağ ili” elan olunmasında Türkiyə Böyük Hüquqşünaslar Birliyinin başqanl Kamal Kerincsizin və Türk Ortodoks Patrikxanasının mətbuat katibi Sevgi Erenerolun misilsiz xidmətinin olması da onların əsas “suç”larındandır. 2008-ci il ərzində Qarabağ problemi və erməni vəhşilikləri ilə bağlı keçiriləcək konfransları əngəlləmək, Azərbaycan həqiqətlərinin Türkiyədə duyulmasını istəməyənlər Azərbaycanın dostlarını saxta ittihamlarla qanunsuz şəkildə həbs etdirdilər.

Sevgi Erenerolun həbs olunmasının başqa bir önəmli səbəbi də var. Böyük Atatürkün xeyir-duası ilə yaradılan Türk Ortodoks Patrikxanası Türkiyə Cümhüriyyəti yaranandan bəri xaçlı irticanın, hər zaman siyasi məqsədlər güdən və Türkiyədəki əsas xəyanət yuvalarından biri halına gələn Fənər Rum Patrikxanasının qarşısındakı tək əngəl idi. Hələ 90 il öncə Sevgi Erenerolun babasını, Atatürkün yaxın dostu Papa Eftimi həbs etdirmək istəyən Fənər Rum Patrikxanası istəyinə çata bilməmişdi. Ancaq bu gün Papa Eftimin nəvəsi Sevgi Erenerol hər zaman xarici qüvvələrin yanında, Türkiyənin qarşısında yer alan Fənər Rum Patrikxanasının istəyi ilə həbs olunub. Bu təkcə Türk Ortodoks Patrikxanasının mətbuat katibinin həbsi deyil. Həm də Fənər Rum Patrikxanasının müstəqilliyini əngəlləyən Lozan müqaviləsinin ayaqlar altına alınmasıdır. Daim suverenlik istəyən və hər zaman türk düşmənlərinə dəstək verən və bir dəfə də olsun, “Erməni soyqırımı olmayıb” deməyən Fənər Rum Patrikxanası hər zaman oyunlarını pozan Türk Ortodoks Patrikxanasını yıxmaq, yəni Böyük Atatürkün mirası olan son qalanı dağıtmaq üçün Sevgi Erenerolun həbsində maraqlıdır. 49 il sonra Türkiyəyə gələn və Fənər Rum Patrikxanasını ziyarət edən yunan baş nazirin bu səfəri ilə Böyük Atatürkün şərəfli davamçılarının həbs olunması tarixinin eyni olması yəqin ki, təsadüf deyil. Hədəf Lozan anlaşmasının pozulması və Fənər Rum Patrikxanasının suverenliyə qovuşmasıdır. Bunun üçün də həyatını Böyük Atatürkün mirasını qorumağa həsr edən, Türkiyədə ruhban məktəblərinin açılmasının qarşısındakı ən böyük əngəl sayılan Sevgi Erenerol saxta ittihamlarla həbs etdirildi.

Ancaq biz Türkiyənin bir hüquq dövləti olduğuna inanırıq. Əminik ki, Türkiyə məhkəməsində ədalət zəfər çalacaq və şəriətçi-təkkəçi zehniyyətə sahib olan bir hüquq-mühafizə orqanının etdiyi yanlışlıqları Türk məhkəməsi təkrarlamayacaq.

Biz qardaş Türkiyənin rəhbərliyini Azərbaycanın milliyyətçi dostlarına qarşı yanlış addımların təkrarlamamağa çağırırıq.

Biz həbs olunan vətənpərvərlərin Türk Dünyasındakı nüfuzunun göz önünə alınaraq, onların barəsində məhkəmə qərarı olmadan yayılan yalan və böhtan dolu xəbərlərin, həbs olunan insanlara qarşı media terrorunun dayandırılmasını istəyirik.

Əminik ki, Türkiyə bu eyibi tezliklə aradan qaldıracaq və tək “suç”u vətənini və millətini səmimi şəkildə sevən Türk olmaq olan Vəli Küçük Paşa, Sevgi Erenerol və Kamal Kerincsiz azadlığa çıxacaq.

İmza:

Tənzilə Rüstəmxanlı- Azəri Türk Qadınlar Birliyinin sədri
Almurad ağa Əliyev – Azərbaycan Ağsaqqallar Birliyinin sədri, Milli Azadlıq Hərakatının lideri Əbülfəz Elçibəyin qardaşı
Səbri Təbrizi - Dünya Azərbaycanlıları Konqressinin sədri
İsgəndər Həmidov – Milli Demokrat (Bozqurd) Partiyasının sədri
Qabil Hüseynli – Müsavat Partiyası
Hacı Zakir Quliyev- “Azərbaycan” Kəndlər Birliyi
Cahandar Bayoğlu - Güney Azərbaycan Milli Hərəkatı Müdafiə Komitəsi
Fərəc Ulusoy- Milli Dirçəliş Hərəkatı
Gültəkin Məmmədbəyli – “Türk” Cəmiyyəti
Vüqar Bəyturan- “Bizim Azərbaycan” Blokunun sədri
Novella Cəfəroğlu- Dilarə Aliyeva adına QHMC
Ruhəngiz Hüseynli- Dilarə Aliyeva adına QHMC
Aqil Ələsgər – “Yeni Cağ” qəzeti, Azərbaycan Dinşünaslar Birliyi
Ofeliya Nəzərli – “Ümid İşığı” Xeyriyyə Mərkəzi
Qafar Çaxmaqlı – “Ermənişünasliq” Araşdırmalar Mərkəzi
Ceyhun Bayramlı- “Oğuz” Birliyi
Xurşid İsayev – elm xadimi
Əvəz Zeynallı- “Xural” qəzeti
Mehriban Abdullayeva- Hüquqşünas Qadınlar Birliyi
Zümrüd Rzazadə- “Xocali soyqırımını Tanıtma” İctimai Birliyi
Elşad Qocayev - “Xocali soyqırımını Tanıtma” İctimai Birliyi
Cavanşir Rzazadə - Dünya Azərbaycanlıları Konqressi
Əlikram Müzəffər - “Milli Birlik” qəzeti
Elza İsmayılova - Dünya Azərbaycanlıları Konqressi
Gültəkin Məmmədbəyli – “Türk” Cəmiyyəti
Rəşad Vaqifoğlu- “Xural” qəzeti
Zeynəb Göyçəli – “Göyçə gölü” Qadınlar Cəmiyyəti
Ayturan Əliyev- AAB
Hürrü Əliyev- Xalq Cümhuriyyəti Partiyası
Həsən Qasımov- Xalq Cümhuriyyəti Partiyası
Əlirza Amanbeyli- Dünya Azərbaycanlıları Konqressi İnformasiya Mərkəzi
Nigar Almanqızı- “Presspost” qəzeti
Dünyaxanım Əiyeva- “Dünya” Ana və Uşaq Birliyi
Adilə Cahgirqızı- Azəri Türk Qadınlar Birliyi
Sənubər Əliyeva- Azəri Türk Qadınlar Birliyi
Məstivar Axundov- “Azərbaycan” Kəndlər Birliyi
Tofiq Türkel- “Turan” İnformasiya Agentliyi
Ruhəngiz Hüseynli- Qadınların Həmrəlik Təşkilatı
Şahin Nəcəfov- Avropa-Asiya İnsan Haqqları İnstitutu
Tural Aslan - Millətçi Gənclər Təşkilatı
Elməddin Behbud - Azərbaycan Gənclər Parlamentinin üzvü, Demokratik Azərbaycan Naminə İB
Namiq Zeynəddin- Azərbaycan Dinşünaslar Birliyi

Tarix: 30 yanvar 2008-ci il